1929 оны тавдугаар сарын 16. Анхны Оскарын наадам болов

АНУ-ын Калифорни мужид байрлах "Academy of Motion Picture Arts and Sciences" байгууллагаас Оскарын наадам буюу "Academy Awards" наадмын анхны шагналуудыг 1929 оны тавдугаар сарын 16-д гардуулжээ.

1927 онд "MGM" студийн тэргүүн Луи Майерын санаачилсан академийн анхны наадам Холливүүдийн Рузвельт зочид буудалд болоход 250 гаруй хүнийг урьсан байна.

Анхны наадмаар шилдэг эрэгтэй жүжигчнээр Эмил Жаннингс, шилдэг эмэгтэй жүжигчнээр Жанет Гейнор нар тодорчээ.
1975 оны тавдугаар сарын 16: Эверестийн оргилд анх удаа эмэгтэй хүн гарав

1975 оны тавдугаар сарын 16: Эверестийн оргилд анх удаа эмэгтэй хүн гарав
Японы уулчин Жүнко Табей 1975 оны тавдугаар сарын 16-д Эверестийн оргилд гарсан анхны эмэгтэй болжээ.

Тэрээр мөн долоон тивийн долоон оргилд гарсан анхны эмэгтэй бөгөөд Фүжи ууланд уламжлалт авиралтыг санаачлан тэргүүлдэг байв.

Түүний дурсгалд зориулж 6897 дахь астероидыг Табей хэмээн нэрлэж Дэлхийн ван гараг дээрх уулсын нурууг Tabei Montes хэмээн нэрлэсэн.

1985 оны тавдугаар сарын 16. Озоны давхаргын цоорхойг олов

Британийн Антарктид судалгааны багийн эрдэмтэд Өмнөд Туйлын дээрх озоны давхаргын түвшин хэвийн бус байгааг олж мэдсэнээ 1985 оны тавдугаар сарын 16-д зарлажээ.

Тэдний ололт "Озоны цоорхой" хэмээн алдаршсан бөгөөд хүн төрөлхтөн дэлхийн агаар мандалд сөргөөр нөлөөлж байгаагийн баталгаа болсон байна.

Дэлхийн дулаарал, цаг уурын өөрчлөлтийг бууруулах нь ямар чухал болохыг энэ явдал гэрчилсэн. Хэрэв озоны давхарга үгүй бол хүн төрөлхтөн амьсгалах агааргүй болох билээ.