БНӨСУ-д явагдаж байгаа НҮБ-ын мандаттай энхийг сахиулах "UNIMISS" ажиллагаанд Монгол улсын зэвсэгт хүчний 9-р ээлжийн мотобуудлагын батальон үүрэг гүйцэтгэж байна. Энэ сарын 11-ний өдөр Бэнтью хот дахь НҮБ-ын баазын шалган нэвтрүүлэх цэгийн гадна зэвсэглэсэн орон нутгийн 7 иргэн "Хил хязгааргүй эмч нар" байгууллагын ажилтныг барьцаалах оролдлого хийжээ. Манай цэргийн алба хаагчид таслаж зогсоож, тухайн хүмүүнлэгийн ажилтны амь нас, аюулгүй байдлыг бүрэн хангаж ажилласан байна.
Юнити секторын командлагчийн захирамжийн дагуу НҮБ-ын баазын гадна зэвсэггүй бүсэд эргүүлийн үүрэг гүйцэтгэж байсан ахлах ахлагч Н.Пунцаг тасгийн захирагчтай "Зүчи" эргүүлийн бүлэг зэвсэглэсэн иргэд олон улсын хүмүүнлэгийн байгууллагын ажилтныг хүч хэрэглэн авч явах гэсэн үйлдлийг таслан зогсоож, саатуулаад байгаа тухай мэдээг ажиллагааны удирдлагын төвд илгээсэн байна.
Тухайн үүссэн цагийн байдлыг үнэлж шуурхай бүлгийн даргын гаргасан шийдвэрийг д.а Э.Лхагвасүрэн ахлагчтай эргүүлийн 2-р бүлэг эр зориг гарган, үүргээ мэргэжлийн түвшинд гүйцэтгэснээр уг ажилтныг "Хубилай" баазын байрлалд авч ирснээр мандатад заагдсан үүргээ биелүүлж ажиллажээ.
Энэхүү үйл явдлын мөрөөр Мужийн зохицуулагч, хатагтай Хироко Хирахара, ӨСАБХХ-ний 4-р дивизийн захирагч хошууч генерал Карло Куал Руаи нар хүрэлцэн ирж болсон үйл явдлын талаар тодруулж, батальоны удирдлагатай уулзсан аж. Уулзалтын үеэр хатагтай Хироко Хирахара "Монголын батальоны цэргийн алба хаагчид зэвсэглэсэн этгээдүүдийн заналхийллийг үл тоон, эрсдэлийг сөрөг хариу буудлага хийлгүйгээр хүмүүнлэгийн ажилтны амь нас, аюулгүй байдлыг хангасанд сэтгэл өндөр байна. Монгол цэргүүд шаардлагатай үед зэвсэг хэрэглэх бүрэн чадвартай, мэргэжлийн цэргүүд гэдгээ дахин баталлаа. Та бүхэнд НҮБ ямагт итгэж, та бүхнээр бахархдаг" хэмээн онцолсон юм.
Харин хошууч генерал Карло Каул Руаи болсон үйл явдалд харамсаж буйгаа илэрхийлэн, мужийн захирагч болон Монгол цэргүүдээс уучлал хүсчээ. Учир нь хүмүүнлэгийн ажилтныг барьцаалах оролдлого хийж, эмх замбараагүй байдал үүсгэсэн этгээдүүд нь энгийн хувцас өмссөн ӨСАБХХ-ний 4-р дивизийн цэргийн алба хаагчид болон орон нутгийн цагдаагийн алба хаагчид байсан нь эл үйл явдлын дараа тогтоогдсон байна.
эх сурвалж. Өдрийн сонин №78
Юнити секторын командлагчийн захирамжийн дагуу НҮБ-ын баазын гадна зэвсэггүй бүсэд эргүүлийн үүрэг гүйцэтгэж байсан ахлах ахлагч Н.Пунцаг тасгийн захирагчтай "Зүчи" эргүүлийн бүлэг зэвсэглэсэн иргэд олон улсын хүмүүнлэгийн байгууллагын ажилтныг хүч хэрэглэн авч явах гэсэн үйлдлийг таслан зогсоож, саатуулаад байгаа тухай мэдээг ажиллагааны удирдлагын төвд илгээсэн байна.
Тухайн үүссэн цагийн байдлыг үнэлж шуурхай бүлгийн даргын гаргасан шийдвэрийг д.а Э.Лхагвасүрэн ахлагчтай эргүүлийн 2-р бүлэг эр зориг гарган, үүргээ мэргэжлийн түвшинд гүйцэтгэснээр уг ажилтныг "Хубилай" баазын байрлалд авч ирснээр мандатад заагдсан үүргээ биелүүлж ажиллажээ.
Энэхүү үйл явдлын мөрөөр Мужийн зохицуулагч, хатагтай Хироко Хирахара, ӨСАБХХ-ний 4-р дивизийн захирагч хошууч генерал Карло Куал Руаи нар хүрэлцэн ирж болсон үйл явдлын талаар тодруулж, батальоны удирдлагатай уулзсан аж. Уулзалтын үеэр хатагтай Хироко Хирахара "Монголын батальоны цэргийн алба хаагчид зэвсэглэсэн этгээдүүдийн заналхийллийг үл тоон, эрсдэлийг сөрөг хариу буудлага хийлгүйгээр хүмүүнлэгийн ажилтны амь нас, аюулгүй байдлыг хангасанд сэтгэл өндөр байна. Монгол цэргүүд шаардлагатай үед зэвсэг хэрэглэх бүрэн чадвартай, мэргэжлийн цэргүүд гэдгээ дахин баталлаа. Та бүхэнд НҮБ ямагт итгэж, та бүхнээр бахархдаг" хэмээн онцолсон юм.
Харин хошууч генерал Карло Каул Руаи болсон үйл явдалд харамсаж буйгаа илэрхийлэн, мужийн захирагч болон Монгол цэргүүдээс уучлал хүсчээ. Учир нь хүмүүнлэгийн ажилтныг барьцаалах оролдлого хийж, эмх замбараагүй байдал үүсгэсэн этгээдүүд нь энгийн хувцас өмссөн ӨСАБХХ-ний 4-р дивизийн цэргийн алба хаагчид болон орон нутгийн цагдаагийн алба хаагчид байсан нь эл үйл явдлын дараа тогтоогдсон байна.
эх сурвалж. Өдрийн сонин №78