УОК-ын өнөөдрийн /2020.04.14/ хуралдаанаар Бүх шатны боловсролын байгууллагын хичээл сургалтын үйл ажиллагааг есдүгээр сарын 1-нийг хүртэл зогсоохоор шийдвэрлэлээ. Харин теле хичлээлийг зургаадугаар сарын 1-нийг хүртэл үргэлжлүүлэн явуулахаар боллоо. 

04 сарын 12-ны байдлаар Дэлхийн 192 оронд хичээл сургалтын үйл ажиллагаагаа бүрэн зогсож, хэсэгчлэн хаасан орнуудад 140 сая хүүхэд, нийт дэлхийн хэмжээнд 1 тэрбум гаруй хүүхэд хөл хорионд ороод байна. 

Улсын болон анги дэвших шалгалтын дүнг сурагчдын хоёрдугаар улирлын дүнгээр тооцож анги дэвшүүлнэ. Дөрөвдүгээр сарын 15-наас цэцэрлэг, сургуулийн халаалт, цахилгааныг хязгаарлаж, хэмнэгдсэн хөрөнгийг шаардлагатай зүйлд зарцуулахаар шийдвэрлэжээ.

Есдүгээр анги төгсөж байгаа хүүхдүүдэд улаан шугам тавихгүй. Сурагчид мэргэжлийн сургуульд элсэх болох аравдугаар ангидаа дэвшин орон шийдвэрийг өөрөө гаргана. Элсэлтийн ерөнхий шалгалтын хугацаанд өөрчлөлт ороогүй. ЭЕШ-ыг одоохондоо 07-р сарын 02-ноос 05-ны хооронд зохион байгуулах бөгөөд их, дээд сургуулиуд элсэлтээ 07-р сарын 8-9-ний өдрүүдэд цахимаар явуулна. Төлбөртэй сургуулиудын асуудлыг сургууль, эцэг эхийн зөвлөлтэйгөө хамтран шийдвэрлэх боломж байгаа гэдгийг Боловсрол, соёл, шинжлэх ухаан, спортын сайд Ё.Баатарбилэг мэдээллээ.