Засгийн газар өнөөдөр /2020.02.13/ ээлжит бусаар хуралдаж коронавирустэй холбоотой зарим шийдвэрийг гаргалаа.
Үүнд,
Маргааш буюу /2020.02.14/ өдрөөс эхлэн Хятад улс манай улс хоорондын нислэг болон төмөр замын зорчих тээврийг бүрэн хаах шийдвэрийг гаргасан байна. Өнөөдөр хамгийн сүүлийн нислэг хийгдэж байгаа аж. Түүнчлэн нислэг болон галт тэргээр зорчих иргэд билетээ урьдчилсан байдлаар захиалсан бол буцааж, мөнгөө эргүүлэн авах боломжтой гэлээ.
Хил хаасан өндөржүүлсэн бэлэн байдал хэсэгчилсэн хэлбэрээр хэвийн үргэлжилнэ. Өндөржүүлсэн бэлэн байдал гэдэг нь зах, хүнсний худалдааны төвийг хааж, хүнсний хомсдолд оруулж, хөл хорио тависан зүйл байхгүйг гэдгийг ЗГ-ын Хэвлэл мэдээлэл, олон нийттэй харилцах хэлтсийн дарга Ц.Ганзориг хэллээ.
Засгийн газрын өчигдрийн /2020.02.12/ хурлаар Цагаан сарын баярыг өргөн хүрээнд тэмдэглэхгүй байх, төрийн болон нутгийн захиргааны байгууллагуудыг хэсэгчилсэн өндөржүүлсэн бэлэн байдалд шилжүүлэх шийдвэр гаргасан.