Иргэн таны автомашины улсын дугаар 2 болон 7-оор төгссөн бол энэ сард /2020.02-Р САРД/ багтаан татвар төлөх ёстой. Одоо цагт тээврийн хэрэгслийн төлбөрийг Тээврийн хэрэгслийн нэгдсэн цахим үйлчилгээний www.smartcar.mn цахим хуудсанд хандаж: Авто тээврийн хэрэгслийн албан татвар, агаарын бохирдол, зам ашигласны төлбөр зэргийг аль ч банкны онлайн гүйлгээний эрхтэй төлбөрийн карт, QPay үйлчилгээгээр дамжуулан төлөх бүрэн боломжтой болсон. 

Мөн энэ жилээс  "Ebarimt.mn" сайтаар дамжуулан төрийн зарим үйлчилгээг үзүүлж эхэлсэн бөгөөд энэхүү сайт, аппликейшныг ашиглан автомашины татвараа төлөх боломжтой.

Та авто тээврийн болон өөрөө явагч хэрэгслийн албан татвар, агаар бохирдлын төлбөр, авто зам ашигласны төлбөрийг онлайнаар төлсөн бол төлбөрийн баримтаа хэвлэж, тээврийн хэрэгслийн гэрчилгээндээ хавсаргаарай. Эсвэл өөрт ойрхон татвар хураах дурын цэгт төлбөрийн баримтаа заавал шалгуулж, тамга даруулан баталгаажуулж болно.