ШУУРХАЙ: Цэцэрлэг, сургуулийг ГУРАВДУГААР САРЫН 2-ныг хүртэл хаахаар боллоо

Улсын онцгой комиссын шийдвэрийн талаар ЭМ-ийн сайд Д.Сарангэрэл мэдээлэл өгч байна. Тэрбээр, Коронавирус халдвар орж ирвэл хүн амын эрүүл мэнд, амь насанд эрсдэл учрахаар байна. Иймд ЭМЯ-наас:
1. Сургууль цэцэрлэгийг 3-р сарын 2-ныг хүртэл хаах
2. Эм тарианы төсвийг яаралтай шийдвэрлүүлэх
3. Урд хөрштэй хиллэдэг хилийн боомтуудын хөдөлгөөнийг тодорхой хугацаагаар хязгаарлах тухай саналыг Улсын онцгой комисст оруууллаа. Ингээд Улсын онцгой байдлын комиссын шийдвэрээр сургууль, цэцэрлэгийн өмчийн байдал үл харгалзан 3-р сарын 2-ныг хүртэл хаах шийдвэр гаргалаа.

ШИНЭ КОРОНАВИРУСТ ХАЛДВАРЫН НӨХЦӨЛ БАЙДЛЫН МЭДЭЭЛЭЛ/ 2020 оны 1 дүгээр сарын 24-ний өдрийн 13 цагийн байдлаар/

Дэлхийн эрүүл мэндийн байгууллагын мэдээллээр шинэ төрлийн коронавирусээр

Өвчилсөн хүний тоо 844
Нас барсан хүний тоо 25 байгаа юм.
Өвчлөл бүртгэгдсэн улс орон БНХАУ-д 830, Макаод 2, Хонг-Конгд 2, Тайваньд 1, Сингапурт 1, Тайландын Вант Улсад 4, Япон улсад 1, БНСУ-д 1, Непал улсад 1, АНУ-д 1 хүн өвчилсөн.

Монгол улсад Шинэ Коронавируст халдварын тохиолдол бүртгэгдээгүй. Хэрэгжүүлж буй арга хэмжээ:

ЭМЯ, ДЭМБ-тай байнга мэдээлэл солилцож, хамтран ажиллаж байна.
Өвчний нөхцөл байдлын талаар өдөр бүр 11 цагт мэдээлэл өгч байна.
Цаг үеийн байдалтай уялдуулан өвчний эмнэлзүй, урьдчилан сэргийлэх талаар мэргэжлийн эмч нар цуврал зөвлөмж өгч байна.
ХӨСҮТ-д 8008-6829 дугаарын нээлттэй утас ажиллаж зөвлөгөө өгч байна.
Онцгой комиссоос гарсан шийдвэрийг мэдээлэх болно.