Монгол Улсын Гавьяат тамирчин, Дэлхийн аваргын алт, мөнгө, хүрэл медальт жүдоч Мөнхбатын Уранцэцэг Дэлхийн дээд амжилт бүртгэдэг Геннисийн дээд амжилтад бүртгэгджээ. 

Тодруулбал тэрбээр Олон улсын жүдо бөхийн холбооноос зохион байгуулдаг IJF World Tour-ийн  2010 оны арванхоёрдугаар сарын 17-ноос 2019 оны дөрөвдүгээр сарын 5-ны хооронд болсон тэмцээнүүдэд хамгийн олон медаль хүртсэн тул ийнхүү дэлхийн дээд амжилтын эзнээр тодроод байгаа аж.

Дэлхийн аваргын иж бүрэн медальт М.Уранцэцэг энэ хугацаанд нийт эмэгтэйчүүдийн -48, -52 кг-ын жинд барилдаж 35 медаль хүртсэнээс 

11 алт, 
11 мөнгө, 
13 хүрэл медалиар энгэрээ мялаагаад байна. 

Жүдоч М.Уранцэцэг хоёрдугаар сарын эхээр болох Парисын их дуулгад оролцохоор бэлтгэлээ базааж байна.