Сингапур дахь Монгол Улсын Элчин сайдын яам болон START хамтран “Mongolian Startup Showcase 2019” арга хэмжээг 10-р сарын 14-ноос 17-ны хооронд Сингапур болон Малайз улсуудад зохион байгуулахаар боллоо.

Монголын шилдэг гарааны бизнес, корпорациудын үйл ажиллагааг Зүүн өмнөд Азид тэлэх, бараа бүтээгдэхүүн үйлчилгээнд нь шинэ зах зээл нээх, Азийн хөрөнгө оруулагчид болон ойролцоо гарааны бизнесүүдтэй холбож, хамтын ажиллагаа үүсгэх зорилго бүхий Mongolian Startup Showcase 2019 (MSS-2019) арга хэмжээ 4 өдрийн хөтөлбөрөөс бүрдэж, үндсэн арга хэмжээ нь 2019 оны 10 дугаар сарын 14-ний өдөр 18:00-22:00  цагт Google Asia Pacific HQ-д болохоороо онцлог болоод байна.

MONGOLIAN STARTUP SHOWCASE 2019 нь дараах дөрвөн өдрөөс бүрдэнэ

10 сарын 14 нд The Startup Pitch
10 сарын 15 нд Singapore Startup Ecosystem Tour
10 сарын 16 нд Techstars x START Malaysia корпорацийн инновацийн өдөрлөг
10 сарын 17 нд MasterClass & Malaysian Startup Ecosystem Tour

10 сарын 14 нд болох “The Startup Pitch” арга хэмжээ болох  өдөр Монголын талаас оролцогч болон зохион байгуулагч 25 хүн, урилгаар Сингапур, Малайзын 50 зочид (хөрөнгө оруулагчид, корпорациудын) төлөөллийг оролцуулж Монголын шилдэг 5  гарааны бизнесүүд нь өөрсдийн бизнес танилцуулгыг зочдод танилцуулж хамтын ажиллагаагаа үүсгэж бизнесийн өсөлтөө бий болгож шинэ зах зээлд нэвтрэх алхамуудыг хийх юм.

Цаг үеийн мэдээ мэдээллээ 1900-1950 мэдээллийн лавлахаас асуугаарай.