"АВСТРАЛИД СУРЦГААЯ"

Австрали Улсын "Australian Institute Of Business And Technology" коллежийн Бүс хариуцсан менежер Майкл Мунсток болон Бизнес хөгжлийн менежер Барри Янг нар сургуулиа танилцуулж, Австрали улсад сурч амьдрах талаар зөвлөгөөө өгнө.
Үнэ төлбөргүй болох уг уулзалтыг "Abc World Education Consultancy" хамтран зохион байгуулж буй юм. 



Герман улсад суралцах арга замуудын талаар мэдээлэл өгөх, амжилттай суралцсан туршлага болон хэрхэн DAAD тэтгэлэг авсан талаар хуваалцах тус өдөрлөг энэ амралтын өдрүүдэд болно. Эй Би Си Ворлд ХХК, Монгол Германы нөхөрлөлийн холбоо ТББ, Үндэсний ажил, мэргэжлийн хөгжлийн холбоо ТББ-аас зохиож буй тус өдөрлөг үнэ төлбөргүй болох ба герман хэлний багш, судлаачид илтгэл тавих юм.


"INSPIRE ME FESTIVAL 2019"

Их Британийн Элчин сайдын яамнаас зохиож буй тус өдөрлөгт Их Британи улсад хэрхэн суралцах, "Чевнинг" тэтгэлэгт хамрагдах, оюутны виз авах зэргийн талаар мэдээлэл өгнө. Гурав дахь удаагаа зохиож буй "Inspire me Festival" нь өмнөх жилүүдээсээ өргөн хүрээг хамрах аж. 
Үнэ төлбөргүй болох тус арга хэмжээнд ирснээр Британийн аль ч шатны боловсролын талаарх мэдээллийг авч, лекц, семинарт хамрагдахаас гадна Британийн соёл, хоол, спорт зэрэгтэй танилцах боломжтой юм.



"ЯПОНД СУРАЛЦАХ МЭДЭЭЛЛИЙН ЯАРМАГ 2019"

10 дахь жилдээ болж буй уг өдөрлөгийн үеэр Японы улсын болоод хувийн их дээд сургуулиудын төлөөлөгчид сургуулийнхаа тухай танилцуулга илтгэл, ганцаарчилсан зөвлөгөөг өгөх бөгөөд Японы элчин сайдын яам, Японы оюутныг дэмжих холбоо (JASSO), Хүний нөөцийг хөгжүүлэх "JDS" тэтгэлэгт хөтөлбөр зэрэг байгууллагууд оролцон зөвлөгөө, мэдээлэл өгөх юм.
Ерөнхий боловсролын сургуулийн сурагчид, оюутан залуус болон гадаад харилцаа, гадаадад оюутан суралцуулах асуудал хариуцсан албаны хүмүүст зориулсан тус ажиллагаа үнэ төлбөргүй болох аж.