Монгол, Хятадын дипломат харилцаа тогтоосны 70 жилийн ой энэ жил тохиож байна. Ойн хүрээнд “Хятад орныг танин мэдэх” соёлын цуврал арга хэмжээ энэ сарын 6-ныг хүртэл Улаанбаатар хотноо зохион байгуулагдана.

Соёлын цуврал арга хэмжээ:

• “Найрамдлын солонго” уран сайхны концертоор эхэлсэн.
• “Хайр бялхасан торгоны зам” цирк,ушүгийн тоглолт, 
• “БНХАУ-ын 70 жил”, “Манай найрамдал”, Түмэн газрын цайны зам” зэрэг гэрэл зургийн үзэсгэлэн цувралаар гарна
• “Нахиа” нэртэй хятад, Монголын хүүхдийн ном, Хятадын сонгодог уран зохиолын 4 ном/ “Баруун этгээдэд зорчсон тэмдэглэл”, “Хүйтэн уулын бичиг”, “Улаан асрын зүүд” зэрэг/ орчуулагдан гарах юм.

Соёлын арга хэмжээний хүрээнд уран сайхны кино солилцоо, аялал жуулчлалын танилцуулга өдөрлөг, хүмүүнлэгийн салбарын танилцуулга өдөрлөг ч зохион байгуулагдана. Тухайлбал, Хүмүүнлэгийн салбарын солилцооны арга хэмжээний үеэр Монгол анагаах ухааны төлбөргүй оношлогооны арга хэмжээ зохион байгуулна. Энэ хүрээнд Хятадын Өвөрмонгол эмнэлгийн есөн мэргэжилтэн үнэ төлбөргүй үзлэг, оношлогоо 09-р сарын 05-ныг хүртэл хийнэ.