Тавдугаар сарын 1-нээс орон даяар вакцинжуулах явж эхэлж байгаа ба эхний ээлжинд 50-аас дээш насны иргэдийг хамруулна. Харин тавдугаар сарын 15-наас 18-наас дээш насны иргэдэд вакцин тарьж эхэлнэ.

Орон нутгийн вакцинжуулалтын явцыг эрчимжүүлэх явуулын багийн цуваа хөдөллөө. 

Хөдөө орон нутагт 18-50 насны 808,284 хүн, 50-аас дээш насны 305,950 хүн амьдарч байгаагаас 2021 оны 5-р сарын 1-ний өдрөөс эхлэн 50-аас дээш насны иргэдийг вакцинжуулах ажлыг  эхлүүлж байна. Вакцинжуулах үйл ажиллагааг үе шаттайгаар зохион байгуулж, 2021 оны 7-р сарын 1-ний өдөр гэхэд 18-50 насны хөдөө орон нутагт ажиллаж амьдарч байгаа иргэдийг бүрэн вакцинжуулж дуусна. Үүний зэрэгцээ 21 аймгийн хүн амыг ялангуяа 50-аас дээш насныхныг нэн тэргүүнд вакцинжуулахаар 2021 оны 4-р сарын 30-наас 5-р сарын 1-ний өдрүүдэд 11 аймагт 22,000 хүн тун вакцин түгээсэн. 2021 оны 5-р сарын 2-ний өдөр нийт 11 аймгийн 18 эмнэлгийн машин, 7 цагдаагийн машинаар 93,000 хүн тун вакциныг түгээлээ.

Үүнд:

• Архангайд 7,200 тун,
• Говьсүмбэрт 4,000 тун,
• Өмнөговьд 18,200 тун,
• Орхонд 10,000 тун,
• Төв аймагт  13,100 тун,
• Булганд 14,441 тун,
• Сүхбаатарт 8,000 тун,
• Хэнтийд 7,200 тун,
• Говь-Алтайд  12,800 тун,
• Дундговьд  4,400 тун,
• Өвөрхангай аймагт  22,000 тунг тус тус хүргүүлсэн.

Өнөөдөр нэмж:

• Өмнөговьд 14,000 тун,
• Сүхбаатарт 8,000 тун,
• Ховд аймаг 13,000 тун,
• Архангайд 10,000 тун,
• Говьсүмбэрт 4,000 тун,  
• Баянхонгорт 10,000 тун,
• Хэнтийд 6,000 тун,
• Дорноговьд 13,000 тун,
• Төв аймагт 6,000 тун,
• Дундговьд 5,000 тун,
• Дархан-Уулд 4,000 тун нийт 11 аймгийн 18 эмнэлгийн машин, 7 цагдаагийн машинаар 93,000 тун вакцин түгээгдэнэ. Зарим алслагдсан аймгууд руу мөн нэмж илгээхээр бэлтгэж байна.