1900-1950 лавлах салбартаа анх удаа ERP системийг цогцоор нь нэвтрүүлэх том ажлыг эхлүүллээ.

2005 оноос хойш тасралтгүй үйл ажиллагаа явуулж байгаа 1900-1950 мэдээллийн лавлах 200 гаруй мэдээллийн ажилтантайгаар 24 цагийн турш мэдээллийг түгээн ажиллаж байна. 19001950 мэдээллийн лавлах нь "СМАРТ ЛАВЛАХ" болох зорилго тавин ажиллаж байгаа бөгөөд 2018 онд зарим үйлчилгээнүүдээ смарт үйлчилгээнд шилжүүлсэн. Тухайлбал: "Такси дуудлагын нэгдсэн төв" нь хөдөлгөөнт төхөөрөмжинд зориулсан такси аппликэйшнд шилжиж, "19001950 ZAR" зарын аппликэйшнээ хэрэглээнд нэвтрүүлээд байна.

Өнөөдөр 1900-1950 мэдээллийн лавлах нь байгууллагын менежментийг сайжруулах зорилгоор "ERP" системийг нэвтрүүллээ.

Энэ систем нэвтэрснээр:

Байгууллагын үйл ажиллагааг оновчтой төлөвлөх, автоматжуулах
Уламжлалт цаасан суурьт үйл ажиллагааг халж, дижитал системд шилжих
Байгууллагын уялдаа холбоо сайжирч, нэгдсэн мэдээллийн системтэй болох
Ажилчдын ажлын бүтээмжийг дээшлүүлэх, ажилтнуудын дунд нээлттэй уур амьсгал бий болгох зэрэг олон давуу талуудтай юм.

1900-1950 мэдээллийн лавлахын гүйцэтгэх захирал Б.Энх-Амгалан

1900-1950 лавлах нь мэдээлэл харилцаа холбооны салбарт 13 дахь жилдээ үйл ажиллагаа явуулж байгаа компани юм. Бидний ойрын зорилтод смарт, дижитал лавлах болох. Энэ зорилгын хүрээнд олон ажлуудыг хийж төлөвлөөд байна. Энэ онд бид хэрэглэгчдэд хүрч байгаа үйлчилгээнүүдээ EASY TAXI, 19001950zar.mn гээд эхнээс нь дата хэлбэрт шилжүүлж эхэлсэн. Харин өнөөдөр бид үйл ажиллагаагаа сайжруулах, автоматжуулах зорилгоор дэлхий нийтэд хүлээн зөвшөөрөгдсөн ОD ERP системийг өөрийн компанидаа нэвтрүүлж эхэллээ. Энэхүү систем нэвтэрснээр мэдээлэл технологийн оновчтой шийдлийг ашиглан байгууллагын үйл ажиллагаа маань тоон хэлбэрт шилжиж мэдээллийн нэгдсэн сан үүсгэх хүнээс хамаарсан хүчин зүйлийг багасгах, байгууллагын алба нэгжүүд хоорондын уялдаа холбоо сайжрах зэрэг олон давуу талыг бий болгоно гэж бид үзэж байна. ERP систем нь мобайл апп-аар дамжуулан өөрт хэрэгтэй ажлын цаг, цалин хангамж, сургалт, мэдээ мэдээлэл зэргийг орон зайнаас үл хамаарч цаг алдалгүй цахим хэлбэрээр авах боломж бүрдэх юм.

Астериск техноложи ХХК-ны гүйцэтгэх захирал А.Отгонбаяр

Астериск техноложи ХХК нь 2010 оноос хойш ERP системийг хөгжүүлж монголын компаниудад нийлүүлж байна. Өнөөдөр хүн болгоны мэдэх 1900-1950 мэдээллийн лавлахтай хамтран ажиллахаар гэрээ байгуулсандаа маш их баяртай байна. ERP систем бол ерөнхийдөө Бельги улсаас гаралтай OD ERP систем дээр суурилж хийгдсэн. Энэ систем нь өөрөө 2005 оноос хойш хөгжиж байгаа дэлхийн олон улсад хүрсэн маш олон хэрэглэгчтэй дэлхийн түвшний систем юм. Өнөөдөр мэдээллийн лавлахын чиглэлээр үйл ажиллагаа явуулдаг 1900-1950 лавлах энэ салбартаа анх удаа ERP системийг цогцоор нь нэвтрүүлэх том ажлыг эхлүүллээ. ERP систем нь байгууллагын менежментийг удирддаг менежментийн программ юм.