19001950 Мэдээллийн лавлах нь одоогоос 20 жилийн өмнө таван хүний бүрэлдэхүүнтэй ажлын гараагаа эхэлж байсан бол өдгөө 200 гаруй албан хаагчтай, 1 газар, 2 алба, 2 хэлтэстэйгээр үйл ажиллагаагаа явуулж байна.

Нийгэм асар хурдтай хувьсан өөрчлөгдөхийн хэрээр мэдээлэл хамгийн үнэ цэнтэй, чухал зүйл гэдгийг мэдэрч 2005 онд бүх төрлийн мэдээллийг нэг дор цогц байдлаар багтаасан лавлах үйлчилгээний нэгдсэн төв болох "Ноён зууч 1950" нэртэй төв маань анх үйл ажиллагаагаа явуулж эхэлсэн билээ.

19001950 Мэдээллийн лавлах нь компани аж ахуйн нэгж, албан байгууллагын утасны дугаар, хаяг байршил, цагийн хуваарийн мэдээлэл, цаг үеийн мэдээлэл, үзвэр үйлчилгээ, бүх төрлийн бичиг баримт бүрдүүлэлтийн мэдээлэл, бүх төрлийн ханшийн мэдээнээс гадна Засгийн газрын иргэд олон нийттэй харилцах 1111 төв, Эрүүл мэндийн яам, Улсын бүртгэлийн ерөнхий газар, Татварын ерөнхий газар, Төрийн банк, Эрдэнэс таван толгой болон бусад төрийн байгууллагуудтай хамтран төрийн үйлчилгээний мэдээ мэдээллийг иргэдэд түргэн шуурхай хүргэж төр хувийн хэвшил хоорондын гүүр болж ажилладаг билээ.

Бид уламжлалт харилцаан дээр тулгуурлан, орчин үеийн техник технологийн шинэчлэлийг нэвтрүүлэн үйлчилгээгээ сайжруулан ажилласаар байгаа билээ. Тэр хэрээрээ бидний үзүүлж байгаа үйлчилгээ илүү үнэ цэнтэй, хэрэглэгчдийн хэрэгцээ шаардлагад нийцсээр өнөөдөр 20 жилийг үдэж байна.Биднийг сонгон үйлчлүүлдэг хэрэглэгч, хамтран ажилладаг харилцагч байгууллагууд мөн нийт ажилтан албан хаагч нартаа 20 жилийн ойн баярын мэнд хүргэе.