Нийгмийн даатгалын ерөнхий газар үйлчилгээний чанар, хүртээмжийг нэмэгдүүлэх зорилгоор олон нийтэд чиглэсэн мэдээллийн лавлах үйлчилгээ үзүүлдэг болон энэ чиглэлээр үйл ажиллагаа явуулдаг байгууллагуудын туршлагыг судлах, хамтран ажиллах уулзалтууд зохион байгуулж байна. 2025 оны дөрөвдүгээр сарын 07-ны өдөр Нийгмийн даатгалын ерөнхий газрын дарга Б.Батжаргал, 1900-1950 мэдээллийн лавлахын удирдлагуудтай уулзлаа. Уулзалтаар иргэд, даатгуулагч, ажил олгогч, харилцагчдад нийгмийн даатгалын үйлчилгээний талаарх мэдээллийг шуурхай хүргэх, нийгмийн даатгалын ач холбогдлыг сурталчлан таниулах, тэтгэвэр тэтгэмж, төлбөр авах эрхээ эдлэх, санал хүсэлтээ илэрхийлэх боломжийг бий болгох зэрэгт дэмжлэг үзүүлж, хамтран ажиллахыг Нийгмийн даатгалын ерөнхий газрын дарга онцолсон бол 1900-1950 мэдээллийн лавлахын удирдлагууд төр, хувийн хэвшлийн хамтын ажиллагааны хүрээнд бүхий л хэлбэрээр хамтран ажиллах боломжтой гэдгээ илэрхийлээд хамтран ажиллахаар тохиролцов.