Энэ намар орон нутгийн сонгууль орон даяар зэрэг явагдана. НИТХ-ын 2020 оны ээлжит сонгуульд 14 нам эвсэл хүсэлтээ илэрхийлсэн байгаа билээ. Нийслэлийн сонгуулийн хорооны тогтоолоор НИТХ-ын 2020 оны ээлжит сонгуульд Монгол ардын нам, Ардчилсан нам, Ногоон нам, Шударга иргэдийн нэгдсэн эвсэл, Хөдөлмөрийн үндэсний нам, Дэлхийн Монголчууд нам, Монгол ардын хувьсгалт нам, Хөгжлийн хөтөлбөр нам, Зүй ёс нам зэрэг улс төрийн хүчнүүд оролцох ажээ.

НИТХ-ын сонгуулийн дүнгээр Улаанбаатар хот шинэ даргатай болно. Харин ХҮН сонгуулийн хороонд сонгуульд оролцох хүсэлтээ илэрхийлээд Нийслэлийн засаг даргад тус намын Нийслэлийн намын хорооны дарга П.Наранбаярыг дэвшүүлэхээ зарласан юм. Үүнээс хойш бусад намууд ч Засаг дарга хэн бэ гэдгийг тойрон хэлэлцэж нэрс тодорчээ. Тухайлбал МАН-аас тус намын Ерөнхий нарийн бичгийн дарга Д. Амарбаясгалан, АН-аас дарга асан С.Эрдэнэ, МАХН-аас Э.Батшугар, ХҮН-ээс П.Наранбаяр, ШИНЭ-ээс Ж.Батзандан нар тодорхой болсон байна.