Австралийн эдийн засгийн тэргүүлэх салбаруудын нэг нь боловсрол юм. Жилд 40 тэрбум долларын хөрөнгө оруулалт хийж, 250 мянган ажлын байрыг дэмждэг.

Тиймээс Засгийн газраас COVID19-ийн энэ үед ч гадаад оюутнуудад үзүүлэх туслалцаагаа хүргэсээр байна. Түүнчлэн олон улсын оюутнуудад зориулж доорх таван өөрчлөлтийг хийж байна. Үүнд:

1. Олон улсын оюутны визийг албан ёсоор хүлээн авч эхэллээ. Энэ нь хил нээгдэх үед виз авсан оюутнууд ирэх боломжтой болж байна гэсэн үг юм.

2. Олон улсын оюутнууд COVID19 цар тахлаас болж сургуулиа төгсөж чадаагүй бол оюутны виз дахин мэдүүлэхэд үнэгүй болжээ.

3. COVID19-өөс болж Австралид биеэр ирж чадалгүй онлайнаар суралцаж байгаа бол энэ хугацааг биечлэн суралцсан гэж тооцохоор боллоо. Ингэж биечлэн сурах нь төгссөний дараах ажлын виз олгох нэг шалгуур болдог юм.

4. Хэрвээ сургуулиа Австралид биечлэн төгсөж чадаагүй бол сурсаны дараах ажиллах виз мэдүүлэх боломжтой.

5. Сургуульд элсэх Англи хэлний шалгалтаа COVID19 өөс болоод өгч чадаагүй бол нэмэлт хугацаа олгохоор болжээ.

Дэлхийд тэргүүлэх боловсролын үйлчилгээ үзүүлж, аюулгүй орчинд урьж байгаагаа Австралийн Боловсролын сайд нь илэрхийлжээ. Энэ бол зөвхөн боловсролын салбарт бус худалдаа, орон сууц, аялал жуулчлал, зочилох үйлчилгээний салбарт ч дэмжлэг болох юм.