Нийслэлийн Онцгой комисс хуралдаж байна. Өнөөдрийн хурлаар Замын хөдөлгөөн болон түүний осол эндэгдэл, тарваган тахлын талаар хэлэлцэж байгаа юм. Нийслэлийн эрүүл мэндийн газраас дараах мэдээллийг өглөө. 

Говь-Алтай аймгийн Эрдэнэ суманд бэр гуйхаар очсон хүмүүст тэрхүү айл тарвага боож дайлжээ Үүнээс үүдэн 15 настай хүү халуурч, тахлын сэжигтэй шинж тэмдэг илэрсэн. Мөн Баян-Өлгий аймагт сэжигтэй тохиолдол бүртгэгджээ. Ховд аймагт 6 настай хүүхэд үхсэн тарвагаар тоглож байгаад арьсан дээр тууралт гарсан, халуурч байна гэх өгүүлэмжтэй байгаа учраас албаныхан ажиллаж байна. Гурван хоногийн өмнө Эмээлтийн постонд 3 тарваганы тулам хураагдсан. Манай улсад тарваган тахлын улмаас нас баралтын түвшин 39.6 хувьтай байдаг. Манай улсад сүүлийн 10 жилд 60 хүн халдвар авсан нь бүртгэгдэн 18 хүн нас бараад байгаа юм.