Эрүүл мэндийн яамнаас коронавирусийн халдварын нөхцөл байдлын талаар мэдээлэл хийлээ. 

ХӨСҮТ-ийн ерөнхий захирал Д.Нямхүү “Өчигдөр 438 хүнээс шинжилгээ авахад 437 хүний шинжилгээнээс илрээгүй. Харин энэ сарын 15-нд Сөүлээс ирсэн 18 настай нэг эрэгтэйгээс халдвар илэрлээ. ХӨСҮТ-ээс хоёр хүн эдгэрэн гарч, дараагийн шатны эмнэлэгт шилжлээ.

58 настай эрэгтэй  42 хоног, 59 настай эрэгтэй  30 хоног эмчлэгдэж эдгэрлээ.  

Монгол Улсад нийт бүртгэгдсэн  тохиолдол 262 болсноос 211 хүн  эдгэрсэн.  51 хүн эмчилгээнд байгаагаас нэг хүний биеийн байдал хүндэвтэр байна. Нэг жирэмсэн эмэгтэй эмчилгээнд байна" гэлээ.