Цар тахлаас үүдэн хямралд нэрвэгдсэн аж ахуй нэгжүүд үүдээ нээж эхлээд байна. Улсын онцгой комиссын шийдвэрээр долдугаар сарын 1-ны өдрөөс кино театруудын үйл ажиллагааг нээсэн. Гэвч кино театрууд ариутгал халдваргүйжүүлэлтийн бэлтгэл ажлаа саяхнаас хангаж дууссан тул ийнхүү эхнээсээ үүдээ нээж эхлээд байгаа юм. 

Өчигдөр Тэнгис кино театр үзэгчдэд үйлчилж эхэлсэн. Тэгвэл өнөөдөр  “Өргөө” кино театр  үүдээ нээж байна. Ийнхүү кино театрууд цэвэрлэгээ болон ариутгал халдваргүйжүүлэлтээ бүрэн хийж дууссан бол мэргэжлийн хяналт, эрүүл мэндийн байгууллагын зөвлөмжийг байршуулах, дутуу гэж үзсэн зүйлсээ цэгцэлж үйлчлүүлэгчдээ хүлээн авахад бэлэн болсон байна.