УОК-ын 2020 оны зургаадугаар сарын 30-ны өдрийн хуралдаан, долоодугаар сарын 1-ний өдрийн шийдвэрийг үндэслэн хэвлэлийн хурал хийв.

2020 оны хоёрдугаар сарын 22-24-ний хооронд УОК-ын гаргасан шийдвэр, ЭМЯ, Нийслэлийн холбогдох байгууллагуудаас олон нийтийн газар, сүм хийд, шашны байгууллагуудад хөл хорио тогтоож, үйл ажиллагааг түр зогсоосон юм.

Иргэд гараа ариутган эрүүл мэндийн байгууллагаас өгч буй зааврыг дагаж мөрдөх хэрэгтэй. Халдварт өвчний үед эм, ерөндөг хурдан гаргах тухай номыг бид хүргэж байсан. Нийтийн засал номыг өнгөрөгч гуравдугаар сард айлдсан.

Цөөн иргэдийн төлөөллийг оролцуулж Хүрээ цам үйлдсэн. Хөл хорио тогтоосон хэдий ч Гандантэгчэнлин хийдийн үйл ажиллагаа үргэлжилсээр л байсан. Одоо засал номыг иргэдэд зориулж шат дараатайгаар хурна.

Есөн харын найрлага бүхий үрлийг тусгайлан бэлдэж таван удаа бүтээж зуугаас дээш мянгыг үйлдвэрлэсэн. Ингээд эмч, цагдаа, онцгой байдлын албаныханд тараасан.

Монголын Бурханы Шашинтны төв Гандантэгчэнлин хийдийн хэвлэл мэдээлэл, олон нийттэй харилцах албаны дарга Ж.Одгарьд, МБШТ Гандантэгчэнлин хийдийн тамгын ламын үүрэг гүйцэтгэгч Б.Цэрэндагва нар мэдээлэл өглөө.