Хоёр давхар автобус өнөөдөр Ч:1 буюу  Офицеруудын ордон-Таван шар чиглэлд иргэдэд үйлчилж эхэллээ.

Нэг ширхэг хоёр давхар автобус 207 мянган ам.доллар буюу 584 сая төгрөгийн үнэтэй юм. Харин энгийн цахилгаан автобус нь 140 мянган ам.доллар буюу 395 сая төгрөгийн үнэтэй аж.

Хоёр давхар автобусанд 70 зорчигч суудалд сууж явах боломжтой. Тиймээс маш тав тухтай байна хэмээн найдаж буйгаа холбогдох албаныхан илэрхийлж байв. Мөн хөгжлийн бэрхшээлтэй иргэдэд зориулсан орох, гарах шаттай аж.