Нэмэгдсэн өртгийн албан татвар (НӨАТ)-ын хоёр хувийн буцаан олголтыг иргэдэд 2020 оноос улирал бүрээр олгож эхэлсэн. Тэгвэл Татварын Ерөнхий газрын мэдээллээр 2021 оны дөрөвдүгээр улирлын буцаан олголт энэ сардаа багтаж иргэдийн дансанд орох юм байна.

Энэ талаар Татварын Ерөнхий газрын мэргэжилтэн НӨАТ-ын буцаан олголтыг бид жил бүр тогтсон саруудад олгодог журамтай. Энэ удаа иргэдийн дансанд дөрөвдүгээр улирлын буцаан олголт орох бөгөөд нэгдүгээр сардаа багтаж өгөхөөр төлөвлөж байгаа. Өмнө нэгдүгээр сарын 25-нд олгодог байсан ч энэ удаа цар тахал болон бусад зүйлсээс шалтгаалан яг хэзээ буюу өдөр нь одоогоор тодорхойгүй байна. Гэхдээ энэ сардаа багтааж иргэдэд олгодгоороо олгох болно” гэлээ.

НӨАТ-ын  нэгдүгээр улирлын буцаан олголтыг дөрөвдүгээр сард, хоёрдугаар улирлын буцаан олголтыг долдугаар сард, гуравдугаар улирлын буцаан олголтыг аравдугаар сард, дөрөвдүгээр улирлын буцаан олголтыг дараа оных нь нэгдүгээр сард олгодог журамтай.