“Намрын ногоон өдрүүд-Үндэсний үйлдвэрлэл 2021” нэгдсэн арга хэмжээ Төв цэнгэлдэх хүрээлэнд зохион байгуулагдаж байна. Үзэсгэлэн худалдаанд нийт 310 гаруй аж ахуйн нэгж, 140 орчим иргэн оролцож, 7 өдрийн турш өөрсдийн бүтээгдэхүүнээ борлуулах юм. Энэ жил төмсийг 100 хувь, хүнсний ногооны 60 хувийг дотоодоосоо хангана. Харин илүүдэл ногоог ашиглах зорилгоор Төв аймагт цардуулын үйлдвэр барихаар ажиллаж байгааг ХХААХҮЯ-аас мэдээллээ. Эдгээр өдрүүдэд 214 сая төгрөгийн борлуулалт хийсэн байна. Тухайлбал:

• Есдүгээр сарын 16-нд 24.5 сая,
• 17-нд 79 сая
• 18-нд 111 сая төгрөгийн борлуулалт хийжээ.

Хүнсний ногоочид Азийн хөгжлийн банкны буцалтгүй тусламжийн хүрээнд хэрэгжүүлж байгаа төсөлд хамрагдан хоршоо хэлбэрээр ажиллаж, энэ жил хураан авсан ургацаа нийслэлчүүддээ борлуулж байгаа юм. "Монгол ногоо" төслийн хүрээнд саримс, байцаа, сонгинын тариалалт нэмэгдсэн, түүнээс гадна энэ хавар ногоочдодоо үрийн үнийг 80 хувь хөнгөлөн олгосон нь том дэмжлэг болсон гэж ХХААХҮЯ-аас мэдээллээ.