Засгийн газар нээлттэй хуралдаж хөл хорио тогтоосон шийдвэрийг сунгах эсэхийг хэлэлцлээ. Улмаар Улаанбаатар хотод тогтоосон хатуу хөл хориог энэ сарын 14 хүртэл гурав хоног сунгалаа. Цаашлаад энэ сарын 14-нөөс бүх нийтийн бэлэн байдлын зэргээс өндөржүүлсэн бэлэн байдлын зэрэгт шилжиж зарим худалдаа, үйлчилгээний байгууллагуудын үйл ажиллагааг нээхээр болов.  
 

1. Хүнсний худалдааны төв дэх ахуйн хэрэглээний барааны тасаг
2. Барилгын материалын худалдаа
3. Модны зах
4. Авто техникийн зах
5. Ресторан
6. Кафе
7. Цайны газар /нийтийн үйлчилгээтэй болон байгууллагын дэргэдэх цайны газрууд/
8. Түргэн үйлчилгээний болон сүлжээ хоолны газар
9. Хүргэлтийн хоол
10. Кофе шоп
11. Хувцас захиалга, засвар 
12. Гутал захиалга засвар
13. Гэр ахуйн тавилгын захиалга, засвар үйлчилгээ
14. Ахуйн электроник, цахилгаан хэрэгслийн засвар
15. Алт, мөнгө, үнэт эдлэлийн захиалга засвар
16. Цүнх захиалга, засвар
17. Нүдний шил захиалга, засвар
18. Цоож, түлхүүр засвар
19. Цаг засвар
20. Хими цэвэрлэгээ, угаалга
21. Гэрэл зураг
22. Айл нүүлгэх үйлчилгээ
23. Эд бараа түрээслэх үйлчилгээ
24. Нийтийн бие засах
25. Барьцаалан зээлдүүлэх үйлчилгээ /автомашин, эд зүйлс/
26. Авто засвар /агрегат, кузов/
27. Дугуй засвар
28. Автомашины угаалга
29. Автомашины доторлогоо
30. Автомашин, сэлбэг хэрэгсэл, тос тосолгооны болон будаг аккуммулятор, гоёл чимэглэл, дугуй зэрэг ашиглалтын материалын худалдаа
31. Авто зогсоол /битүү, ил/
32. Нийтийн байрны үйлчилгээ
33. Барилга засвар
34. Такси үйлчилгээ гэсэн 34 чиглэлийн үйл ажиллагааг нээх юм. 

Тусгай нөхцөл шаардах үйлчилгээний салбарууд

/Хүн хоорондын зай барих, хамгаалалтын плёнк, халдвар авахгүй байх талаас нь зохицуулах шаардлагатай газрууд/

1. Авто техникийн зах
2. Ресторан
3. Кафе
4. Түргэн үйлчилгээний болон сүлжээ хоолны газар
5. Хүргэлтийн хоол
6. Таксины үйлчилгээ