Ерөнхий сайд өргөн хэрэглээний бараа бүтээгдэхүүн болох мах, хүнсний бүтээгдэхүүн үнийн тал дээр  анхаарч, хяналт тавих үүрэг чиглэл өгсөний дагуу ЗГХЭГ-ын дарга Л. Оюун-Эрдэнэ, Сангийн сайд Ч.Хүрэлбаатар нар хүнсний хангамж, тээвэрлэлт, захын хорооллын хүнсний дэлгүүрүүд, эмийн сангууд, дотуур байрны оюутнуудын хүнс бусад хангамжийн хүртээмж ямар байгаа тал дээр ажиллаж байна.

Одоогийн байдлаар "Хүчит шонхор" зах дээр махны эрэлт, нийлүүлэлт хэвийн байдалд орж байна. Тодруулбал, нийслэлчүүд өдөрт 110 тн махны хэрэглээтэй ч 208 тн, 410 тн, өнөөдөр 470 тн мах нийслэлд орон нутгаас нийлүүлсэн ч эрэлт, нөөцлөлт их байжээ.

Харин Чингэлтэй, 7 буудал орчмын хүнсний 8 нэрийн дэлгүүрүүд хүн орж ирэх нь эрс багасч, эрэлт буурсан талаар худалдаачид мэдээлж байна.