"Google" компани 2020 онд хамгийн их хайгдсан хайлтууд буюу трэнд хайлтын жагсаалтаа танилцууллаа.

Уг жагсаалт дээр үндэслэн Roshaan Khan хэмээх өгөгдлийн шинжээч энэ онд хамгийн их хайгдсан хайлтын илэрцүүдийг он цагийн дарааллаар байрлуулж, график хэлбэрт оруулжээ. Ингээд түүний боловсруулсан графиктай танилцацгаая.
 
Та бүхний харж байгаачлан графикийн эхэнд Kobe Bryant хэмээн бичигдсэн байна. Он гарсны дараахан алдарт сагсан бөмбөгч Kobe Bryant харамсалтайгаар нас барж, түүний талаарх хайлтууд ийнхүү ихэсжээ. Түүний дараа Крикетийн дэлхийн аварга шалгаруулах тэмцээнд өрсөлдөж байсан Энэтхэг, Шинэ Зеландын багийн тухай хайлт тэргүүлсэн бол хоёрдугаар сарын сүүлээр бэлгийн хүчирхийлэл үйлдсэн хэмээн баривчлагдсан найруулагч Harvey Weinstein хайлтыг тэргүүлсэн байна.

Гуравдугаар сарын эхээр цар тахал дэлхий даяар тархаж эхэлсэн учир коронавирус, коронавирусийн шинж тэмдэг болон цар тахалтай холбоотой бусад хайлтууд тэргүүлжээ. Жилийн дундаас жилийн сүүл хүртэл George Floyd, Black Lives Matter, TikTok, Бейрут, Tesla-гийн хувьцаа, АНУ-ын ерөнхийлөгчийн сонгууль, вакцин зэрэг хайлтууд хамгийн их хайгдсан байна.

Үргэлжлүүлэн "Google"-ийн трэнд хайлтын ангилсан жагсаалтыг хүлээн авна уу.